Nə etməli? Bakını tıxaclardan necə xilas edə bilərik?
Azadmedia.az nəqliyyat üzrə ekspert Rauf Ağamirzəyevin tıxacdan çıxış üçün səsləndirdiyi təklifləri təqdim edir:
Bir çox efirlərdə avtobus sayın artırın çağırış eşidirəm. Sirr deyil bunu deyən əsasən avtobusdan istifadə etməyən kəsimlərdir, yanlış fikir formalaşdıranlardır.
Avtobusun ayrılmış zolağı olmalı və funksionallığı təmin edilməlidir! (sərt nəzarət etməklə) Avtobus tıxacda dayanmamalıdır!
Olan avtobus parkının səmərəli işləməsi üçün onların küçələrdə üstünlüyü təmin edilməlidir.
Zona saatlıq parking sistemi də öz yerində. Şəhər mərkəzində parklanma baha olmalıdır!
Ekspert qeyd edir ki, zolaqların ensizləşdirib artıq qalan sahədə mikromobillik vasitələri (skuter,velosiped) üçün şəbəkənin yaradılması 1-5 km məsafəlik səfərlər üçün alternativ yaratmış olacaq.
R.Ağamirzəyevin fikrincə ikinci mərhələdə yüngül relsli dəmiryol şəbəkisin tikintisi və inteqrasiyasının təmin edilməsiylə şəhər mühitinin nəqliyyat strukturunu kökündən dəyişmək mümkündür.