Avropa İttifaqı Şurası Ukraynaya hücumla əlaqədar Rusiya və Belarusa qarşı sanksiyaları təsdiq edib.

AzadMedia.az UNİAN-a istinadən xəbər verir ki, bu barədə Avropa İttifaqı (Aİ) Şurasının bəyanatında deyilir.

Sanksiyalara aşağıdakılar daxildir:

Belarusun SWIFT banklarına - "Belagroprombank", "Dabrabyt" və "İnkişaf Bankı" və onların törəmə şirkətlərinə girişin məhdudlaşdırılması;

Belarus Mərkəzi Bankı ilə əməliyyatlar qadağandır;

Aprelin 12-dən etibarən Belarusun dövlət müəssisələrinin səhmləri üçün Aİ-nin ticarət sessiyalarında lizinq və xidmətlər qadağandır;

Belarusun rezidentlərindən Avropa Bankında 100 min avrodan çox məbləğdə əmanət yerləşdirmək, mərkəzi depozitarlarda belaruslu müştərilərin hesablarını aparmaq və avro ilə qiymətli kağızları satmaq qadağandır;

Bundan əlavə, Rusiyaya dəniz naviqasiyası və radio rabitəsi məhsullarının tədarükünə məhdudiyyətlər tətbiq edilir.

Hüquqi şəxslərin və təşkilatların sanksiya siyahısı da genişləndirilib. Onlar investisiyalar, qiymətli kağızlar və maliyyə alətləri üzrə məhdudiyyətlərə məruz qalıblar.