Türkiyə Prezidenti Rəcəb Tayyib Ərdoğan və Rusiya lideri Vladimir Putin Ukrayna limanlarının minalardan təmizlənməsi ilə bağlı razılığa gəliblər.

Bu barədə Rusiyanın xarici işlər naziri Sergey Lavrov məlumat verib.

XİN başçısı bildirib ki, Türkiyə limanların minalardan təmizlənməsinə kömək edəcək.

Xatırladaq ki, mayın 30-da Putin və Ərdoğan arasında telefon danışığı olub. Liderlər Rusiya-Türkiyə əməkdaşlığı, ticari-iqtisadi sahədə əməkdaşlıq barədə hərtərəfli fikir mübadiləsi aparıblar. Qarşılıqlı ticarətin əhəmiyyətli dərəcədə artdığını qeyd ediblər.