Azərbaycan Ermənistanla sülh müqaviləsi olmadan yaşaya bilər, lakin yeni gərginlik istəmir. İlham Əliyev qeyd edib ki, eyni zamanda Ermənistan regionda təhlükə mənbəyi olaraq qalır.
Azərbaycan prezidenti İlham Əliyev yerli telekanallara müsahibəsində deyib ki, Bakı regionda sülh istəyir, lakin İrəvan sülh müqaviləsində maraqlı deyilsə, Bakı onsuz da edə bilər.

“Biz hətta sülh müqaviləsi olmadan da yaşaya bilərik”, - deyə Azərbaycan lideri qeyd edib.

O əlavə edib ki, Ermənistan əslində region üçün təhlükə mənbəyidir və bu ölkənin silahlanması Cənubi Qafqazda yeni gərginliyə səbəb ola bilər. Azərbaycan region üçün sülh istəyir.

Müstəqil Ermənistan dövlətinin İlham Əliyevin sözlərinə görə, mahiyyət etibarı ilə faşist dövlətdir, çünki Ermənistan 30 ilə yaxın faşist ideologiyası ilə idarə olunub və bu gün də faşizm təhlükəsi aradan qalxmayıb.

"Ölkəmiz faşist dövləti ilə qonşudur və faşizm təhlükəsi aradan qalxmayıb. Ona görə də faşizm məhv edilməlidir. Onu ya Ermənistan rəhbərliyi, ya da biz məhv edəcəyik. Bizim başqa çıxış yolumuz yoxdur". - deyən Azərbaycan prezidenti həmçinin bildirib ki, ayın sonuna kimi Azərbaycanla Ermənistan arasında sərhədin delimitasiyası və demarkasiyası üzrə danışıqların növbəti raundu keçiriləcək:

“Bu ayda - hər halda, bizim təşəbbüsümüzlə bu məsələnin həllini davam etdirmək üçün Azərbaycan və Ermənistanın delimitasiya üzrə komissiyalarının növbəti iclası keçirilməlidir”.