Türkiyə Prezidenti Ərdoğan Gürcüstanda qəzaya uğrayan təyyarənin yerində qara qutunun tapıldığı barədə mediada yayılan məlumatları təsdiqlədi.

Türkiyə lideri Rəcəb Tayyib Ərdoğan Gürcüstan ərazisində Türkiyə Hərbi Hava Qüvvələrinə məxsus C-130 təyyarəsinin qəzaya uğradığı yerdə "qara qutu"nun tapıldığını təsdiqləyən açıqlama verdi.

Prezident əməliyyat araşdırmasına başlandığını qeyd etdi.

"Biz, Gürcüstan hakimiyyəti ilə əməkdaşlıq edərək, dərhal axtarışda pilotsuz uçuş aparatlarımızdan istifadə etdik. Elə həmin axşam təyyarənin qalıqlarının tapıldığı barədə məlumat aldıq. Qalıqların tapıldığı ərazi mühasirəyə alınıb." - deyən Rəcəb Tayyib Ərdoğan həmçinin 19 ölü tapıldığını və sonuncunun cəsədinin hələ də axtarıldığını bildirdi.

Bundan əlavə, Ərdoğan Gürcüstan hakimiyyətinə göstərdikləri köməyə görə minnətdarlığını bildirib və Azərbaycan tərəfinin dəstəyini vurğulayıb. Prezident baş verənlərin bütün təfərrüatlarının birgə səylər nəticəsində aydınlaşdırılacağına əminlik bildirib.

Xatırladırıq ki, Gürcüstanda Türkiyə təyyarəsinin qəzaya uğramasından bir gün əvvəl təyyarə qəzasında həlak olan 18 nəfərin cəsədinin tapıldığı bildirilmişdi.