Türkiyədə 11 noyabrda Gürcüstanda qəzaya uğrayan hərbi təyyarənin qara qutusundakı məlumatların təhlili üzərində iş aparılır. Şifrənin açılması artıq bu həftə başa çatdırıla bilər.
Türkiyənin "Hurriyet" qəzeti xəbər verir ki, Türkiyədə ötən həftə Gürcüstanda qəzaya uğrayan Türkiyə Hərbi Hava Qüvvələrinə məxsus C-130 təyyarəsinin qara qutusundakı məlumatların deşifrə edilməsi üzərində işləyirlər.
Nəşr qeyd edib ki, ilkin məlumatlara görə, xarici müdaxilə ehtimalı olduqca aşağı qiymətləndirilir. Eyni zamanda, hadisənin bütün versiyaları nəzərdən keçirilir.
Qeyd edək ki, uçuş qeyd cihazı Gürcüstandan Türkiyəyə 12 noyabrda, hərbi təyyarənin qəzasından sonrakı gün çatdırılıb.