Kanada sakini üç dəqiqəlik ürək dayanmasının ona dərin təsir etdiyini bildirib. Bu barədə "The Mirror" qəzeti xəbər verir.

Kelli Elveyns adlı bir qadın nəfəs almağın çətinləşdiyini və ağciyərlərində problemlər olduğunu hiss edərək tibb işçilərini çağırıb. Zəngdən qısa müddət sonra o, huşunu itirib.

Həkimlər Elveynsi üç dəqiqə ərzində reanimasiya etməyə çalışıblar. Həmin anda, qadının özünün dediyinə görə, o, ruha çevrildiyini, şəxsiyyət hissini itirdiyini hiss edib, eyni zamanda guya şüurluluq hiss edib.

"Özümü zamandan kənar bir məkanda tapdım. Sanki kiçik işıqlarla dolu bir kainatda idim", - deyə qadın bildirib.

Bir müddət sonra özünə gəlib.

Bundan əvvəl Britaniyada bir kişi səkkiz dəqiqəlik ürək dayanması zamanı uzaq bir dünya görüb. Onun sözlərinə görə, o, gözəl bir bağ görüb və qohumlarının səslərini eşidib.