Gəmi və qərargahdakı bütün qeydləri nəzərə aldıqda, sözügedən iddia tamamilə qeyri-real görünür.

AzadMedia.az xəbər verir ki, bunu Türkiyə Milli Müdafiə naziri Hulusi Akar Fransanın iddiasına cavab olaraq deyib.

“Əksinə, lap əvvəldən mehriban, konstruktiv, əməkdaşlığa açıq münasibət sərgiləyən Türkiyə donanması fransızların istəyi ilə adıçəkilən gəmiyə yanacaq da verib. Mövzu ilə bağlı hazırlanan, Türkiyənin haqlı olduğunu sübut edən məlumat və sənədlər NATO qərargahındakı mülki və hərbi səlahiyyətli şəxslərə paylanıb”, - nazir bildirib.

Qeyd edək ki, Fransa Türkiyə gəmilərinin NATO vəzifəsini icra edən hərbi gəmilərə qarşı təxribat törətdiyini iddia edib.