Komandamız 23 iyul tarixində Prezidentimizə, xalqımıza və ordumuza qarşı hər zaman yalan və böhtan informasiyalar yayan erməni internet resurslarına kiber hücumlar təşkil edib.

Bu sözləri AzadMedia.az-a "FF AZE HACK" adlı azərbaycanlı haker komandası deyib. Komanda hücum edilən resursların funksionallığını itirdiyini vurğulayıb:

“Vətənpərvər hakerlərimizin etdiyi kiber hücumlar nəticəsində həmin saytlar funskionallığını itirib və yararsız hala düşüblər. Bu saytlarda olan bütün məxfi məlumatlar və arxiv materialları götürülüb. Heç bir erməni saytı bizim nifrətimizdən, gücümüzdən və zərbələrimizdən kənarda qalmayacaq. Ermənilərin xəbər, universitet, bank və Futbol Federasiyasının saytlarına hücum edilib ".

Kiber hücum edilən saytlara buradan ( http://ff-aze.org) baxa bilərsiniz.

Qeyd edək ki, "FF AZE HACK" komandası bir müddət öncə də Ermənistanın rəsmi saytlarına hücum edərək baza məlumatlarını paylaşmışdılar.