30 ilə yaxındır bu günün xəyalını qururuq. Bu müddətdə neçə igid əsgərimizi, zabitimizi hətta generalımızı da qurban vermişik. Amma indi zaman bizim zamanımızdır.

Hər şeyə “Dur!” deməyin vaxtıdır. Hər kəsin böyüklü-kiçikli ürəyi qəhrəman əsgərlərimizlə bir döyünür. Ancaq bəzən hisslərimizə, emosiyalarımıza yenilib unuduruq ki, müharibə təkcə səngərlərdə deyil, elə sosial şəbəkələrdə yayılan informasiyalar, xəbərlər arasında da gedir. Ona görə üzərimizə düşən məsuliyyətin fərqində olmalıyıq.

Media eksperti Tural Müseyibov deyir ki, birmənalı şəkildə sosial şəbəkələrə girişə məhdudiyyət təqtbiq olunmalıdır:

“Çətindir, amma sərhəddə ölümlə üz-üzə qalacaq qədər deyil. Ona görə də ancaq və ancaq Müdafiə Nazirlyi tərəfindən yayılan rəsmi xəbərləri paylaşmaq və inanmaq lazımdır. Əmin olun, səbirlə, təmkinlə davransaq, əsgərlərimiz cəbhədə biz isə burada düşməni məhv edəcəyik”.

Ətraflı Baku TV-nin süjetini təqdim edirik: