Moskvanın Yeni Moskva rayonunun Mosrentgen qəsəbəsində yaşayış evində baş vermiş yanğın nəticəsində 2 nəfər həlak olub və 12 nəfər xəsarət alıb.

Bu barədə Azadmedia.az “TASS”a istinadən xəbər verir.

Yanğın 31 saylı evdə qeydə alınıb. İkinci mərtəbədə mənzil və 3-9 mərtəbələrdəki eyvanlar yanıb.

Həlak olanların hər ikisi uşaqdır. Zərərçəkmişlərin hamısı müayinə və yardım üçün həkimlərə təhvil verilib.

Cinayət işi açılıb. Müstəntiqlər hadisə yerində işləyirlər.