Şərqşünas-Yazar Əli Rzazadə -



İlahi..
Bu dünya da səninki ikən
Niyə burda hava da kəm,
işıq da kəm.

Burda cümələr bazardır,
Məscid olmalı ikən.

Burda günəş Qərbdən çıxır,
Şərqdə batır.

Şərqi qara bulud sarır,
Burda çaylar tərsə axır,
İldırımlar işıq deyil,
Zülmət çaxır.

Burda ana doğduğunu,
Göz yaşıyla əmizdirir,

Burda Səni çağıranlar
Bir-birinin qanın tökür,
qanın içir,

Burda indi karvan hürür,
itlər keçir.