Ukraynanın keçmiş prezidenti Petro Poroşenko əlində Kalaşnikov avtomatı ilə paytaxt Kiyevdən CNN İnternational yayımına qoşulub.

Azadmedia.az xarici mediaya istinadən xəbır verir ki, hazırkı prezident Vladimir Zelenskidən əvvəl bu postu tutan Petro Poroşenko Kiyevdən yayımlanan CNN International yayımına qoşulub. CNN-in aparıcısının “Rusiyaya işğal olunacağı təqdirdə silahlı qruplaşma ilə nə etmək istəyirlər” sualına Poroşenko əlində silahla cavab verib. Poroşenko belə cavab verib: "Bu, qısaca Kalaşnikovdur. 300 nəfərlik müdafiə tağımımız var. İki pulemyotumuz var. Bizim zirehli transportyorumuz, tankımız yoxdur".

Poroşenko deyib ki, hamı başa düşməlidir ki, Putin Ukraynaya deyil, bütün dünyaya müharibə elan edib. Poroşenko bildirib ki, onun tağımları Kiyevdə rus əsgərləri ilə ukraynalı əsgərlər arasında toqquşmalardan 2-3 kilometr aralıdadır.

“O, nə qədər əsgər öldürsə də, nə qədər raketə sahib olsa da, nə qədər nüvə silahına sahib olsa da, biz ukraynalılar böyük Avropa gələcəyi olan azad insanlarıq”, - deyə Poroşenko bildirib.