CƏSUR QARDAŞLAR...        
                                                                                                                                             Azadmedia.az - Masallı rayonunun Dəmirçi kənd ümumi orta məktəbində Aprel döyüşləri şəhidi Nurlan Əsgərli və "Vətən müharibəsi Qəhrəmanı"İntiqam Əsgərli qardaşlarının "Cəsur Qardaşlar” adlı anım tədbiri keçirilib.

Tədbirdə Şəhid ailələri Masallı Rayon İcra Hakimiyyətinin, Masallı Rayon Təhsil Şöbəsinin nümayəndələri, Tarix-Diyarşunaslıq muzeyinin rəhbəri Əntiqə Tağıyeva, Masallı Dövlət Regional Kollecinin direktoru Vidadi Nəzərov, kənd ağsaqalları, məktəb kollektivi, ziyalılar iştirak edib.
.Tədbirdə məktəbin direktoru Aytən Şükürova şəhid ailələrini salamladıqdan sonra cəsur qardaşlar - Aprel döyüşləri şəhidi Nurlan Əsgərli və "Vətən müharibəsi Qəhrəmanı"İntiqam Əsgərli qardaşları haqqında məlumat verib.
Sonra çıxış edən Masallı Rayon Təhsil Şöbəsinin müdir müavini Samit İslamov, Təhsil şöbəsinin məsləhətçisi Hörmət Balakişiyev, kənd ağsaqqalı Mirhəsən Cəfərov, 2 şəhid anası Ziba ana və digərləri çıxış edərək şəhidlərimizin keçdiyi şərəfli həyat yolundan geniş məlumat verdilər.
Şagirdlərin ifasında şəhidlərə həsr edilmiş şeirlər səsləndirildi, kompozisiya təqdim edildi.
Tədbirdə Masallı Rayon İcra Hakimiyyətinin məsul işçiləri Nəsib Bağırov və Nahid Həsənov iştirak ediblər.
ƏLİHÜSEYN ŞÜKÜROV
















Ülkər Piriyeva