Azadmedia.az - Əsası Ümummilli lider Heydər Əliyev tərəfindən qoyulan və bu gün də prezidentimiz İlham Əliyev cənablarının rəhbərliyi ilə dünyaya açılan Azərbaycan hər gün yeni uğurlara imza atır.

Ölkədə aparılan düzgün daxili və xarici siyasət sayəsində artıq dünya dövlətləri Azərbaycana inanır və hər sahədə əməkdaşlığa maraqlıdırlar.

44 Vətən müharibəsində də bütün dünya Azərbaycan xalqıının öz prezidenti ətrafında necə sıx birləşdiyinin şahidi oldu. Elə bu birliyin nəticəsi olaraq işğal olunmuş bütün torpaqlarımız mənfur düşməndən azad olundu və artıq o torpaqların sahibləri öz dədə-baba yerlərinə qayıtmaq üçün gün sayırlar.

    Vətən Müharibəsi başlayan ilk günlərdən “İlhamlı Qələbələr” adlı layihəmizlə bir neçə tanınmış idmançılarmızla bərabər, ən qaynar nöqtələrdə olmaqla, əsgərlərimizə imkanlarımız daxilində dəstək olmağa çalışdıq.
Qeyd edək, bu kimi tədbirlərimiz bu gün də davam edir və şəhid ailələrinə, qazi ailələrinə bir neçə şirkət, eləcə də xeyirxah vətəndaşlarımızın dəstəyi ilə yardımlar edirik.
 
Hal-hazırda "İlhamlı qələbələr" adlı Qazilər, Jurnalistlər və Tanınmış ictimaiyət nümayəndələri arasında İdman festivalı keçirilir.
 
       Bu Layihə çərçivəsində BrendSport.az saytı "Atrium İdman və Uşaq əyləncə mərkəzi" ilə birlikdə Ümummilli lider Heydər Əliyevin 99 illiyinə həsr olunmuş Şəhidlərimizin uşaqları və ailələri üçün tədbir keçiriblər.
 
Belə ki, tədbirin aparıcısı Fidan Oruc Əliyeva açılış sözü üçün tədbirin layihə rəhbəri Bəhruz Səmədova söz verib. Bəhruz Səmədov Ulu öndər Heydər Əliyev və Şəhidlərimizi 1 dəqiqəlik sükutla yad edilməsini tədbir iştirakçılarından xahiş edib. Dövlət himni səsləndikdən sonra tədbiri açıq elan edib.

Sonra "İlhamlı qələbələr" adlı layihənin sədri Olimpiya Şöhrətli Beynəlxalq dərəcəli güləş hakimi, qızıl fit sahibi Hicran Şərifov Layihə haqqında danışıb. 44 günlük zəfərdə cənab preziden İlham Əliyev böyük rolunun olduğunu vurğulayıb, Şəhidlərimizi bizlərə bəxş etdiyi bu Qələbə üçün sayğıyla yad edib, həmçinin bütün şəhid və qazi ailələrinə öz təşəkkürünü bildirib.

Eyni zamanda, söz bu layihə çərçivəsində böyük əziyyəti olan Boks üzrə dünya çempionu Fərhad Acalova verilib. O da öz növbəsində, şəhid ailələrini salamlayıb və bu yolda onlara səbir və təmkinli olmağı arzu edib.
 
Qazi Kapitan İlham Qazi Şəhid ailələrini salamlayaraq şəhidlərimizin şücaətindən danışıb. Bu qələbə üçün Başda cənab prezident İlham Əliyev olmaqla bütün bu yolda əziyyəti olanlara təşəkkürünü bildirib. BrendSport.az saytına və Atrium idman və uşaq əyləncə mərkəzinə də bu tədbiri keçirdikləri üçün minnətdarlığını bildirib.
 
Tədbirin musiqili qonaqları Nurlan Ordubadlı, Ramin Nabran, Samir Vida , Aztv-nin solisti Könül Məmmədli, Azərstar musiqi yarışmasının ilk qalibi Nigar Əhmədova və Bəstəkar müğənni Emil Elman oğlu olublar.
 
Tədbirdə " ViPLİFE" kosmetik brendinin, "Həyat Apteki"nin, "Gülüstan limonadları"nın, "Atrium uşaq əyləncə mərkəzi"nin və "Soel Parfümün" Hədiyyələri təqdim olunub.

Tədbirin sonunda şəhid ailələrinə söz verilib, onlar da öz növbələrində onlara göstərilən qayğıdan danışıblar. Bu qayğı üçün Dövlət Başçısı cənab prezident İlham Əliyevə və Azərbaycanın l Vitse-prezidenti Mehriban xanım Əliyevaya təşəkkürlərini bildiriblər. Ulu öndər Heydər Əliyevə Allahdan rəhmət diləyiblər və tədbir təşkilatçılarına öz minnətdarlıqlarını bildiriblər. Gələcəkdə belə tədbirlərin çox olmağını arzu ediblər.