Bakı, 6 mart - Azadmedia.az

Əsgərlər KKTC-də yanan meşə sahəsinə 5 min ting əkib.

Şimali Kipr Türk Cümhuriyyəti Təhlükəsizlik Qüvvələri Komandanlığının şəxsi heyəti və milli borcunu yerinə yetirən əsgərlər Körpünün Mersinlik bölgəsində keçən il yanan meşəlik ərazidə 5 min ədəd ting əkib.

TQK-nın mətbuat xidmətindən verilən məlumata görə, həftəsonu Körpünün Mersinlik bölgəsində 30 hektarlıq sahədə 5 min ting əkilib. Hərbi hissələr bu il kazarmaların ətrafındakı yanan meşə sahələrində ümumilikdə 16200 ədəd ting əkiblər.

TQK-nın meşəbərpa fəaliyyətlərinin davam edəcəyi vurğulanan açıqlamaya görə, bölmələrdə hərbi xidmət keçən əsgərlər ağac əkməyə təşviq edilib.

Ü. Piriyeva