ABŞ-nin “SpaceX” şirkətinə məxsus “Falcon 9” daşıyıcı raketi Cənubi Koreyanın öz istehsalı olan hərbi kəşfiyyat peykini orbitə çıxarıb.

Azadmedia.az Xarici KİV-ə istinadla xəbər verir ki, peyki orbitə aparan raketin buraxılışı Florida ştatındakı Kennedi məntəqəsindən ABŞ şərq zonası vaxtı ilə aprelin 7-də axşam saat 19:17-də (Bakı vaxtı ilə aprelin 8-də saat 03:17) baş tutub. Cənubi Koreyanın Müdafiə Nazirliyi peykin planlaşdırılan orbitə çatdığını açıqlayıb. Peyk hər cür hava şəraitində müşahidə aparmaq üçün ən son texnologiyalarla, radar və sensorlarla təchiz olunub.