Türkiyənin milli aviadaşıyıcısı - “Türk Hava Yolları” (THY) şirkəti işçi qüvvəsini 900 pilot və 1000 bələdçi ilə genişləndirməyi planlaşdırır.

Azadmedia.az xəbər verir ki, bu barədə THY-nin İdarə Heyətinin sədri Ahmet Bolat telekanalların birinin efirində məlumat verib.

Belə ki, “Türk Hava Yolları” 2021-ci ildə 5561 pilotu işə götürüb. 2023-cü ildə bu rəqəm 6755-ə çatdı. Biz pilotların sayını daha da artırmağı və bütün donanmanı modernləşdirməyi planlaşdırırıq”, - deyə Türkiyənin ən bahalı brendi hesab edilən aviaşirkətin rəhbəri bildirib.

Həmçinin onun sözlərinə görə, aviaşirkət yaxın iki il ərzində “Türk Hava Yolları”nın bütün reyslərini pulsuz internetlə təmin etməyi də planlaşdırır.