Şabran rayonunda narkotik tərkibli bitkilərin qanunsuz yetişdirilməsi ilə bağlı polis əməliyyat keçirib.

Rayon Polis Şöbəsinin əməkdaşlarının həyata keçirdiyi tədbirlər nəticəsində bu əməldə şübhəli bilinən 60 yaşlı Sahib İbrahimov saxlanılıb.

Araşdırma zamanı onun həyətyanı sahəsində xüsusi qulluq göstərilərək yetişdirilən narkotik tərkibli bitkilər aşkar edilib. Bitkilərin ümumi çəkisinin 10 kiloqram olduğu müəyyənləşdirilib.

Fakt üzrə cinayət işi başlanılıb. S.İbrahimovun barəsində məhkəmənin qərarı ilə həbs qətimkan tədbiri seçilib.