"Drakon" ləqəbli aktyor Rza Rzayev həbs edilib. Azadmedia.az xəbər verir ki, məlumatı aktyorun vəkili Səlahəddin Cəfərov təsdiqləyib. Vəkilin sözlərinə görə iki illik həbs qərarı bu gün Bakı Apellyasiya Məhkəməsində verilib.
Xatırladaq ki, illər öncə aktyorun bacısı Zeynəb xanımın işlədiyi 175 saylı orta məktəbin direktoru Tural Mirzəliyevlə arasında insident yaşanmışdı. Rza Rzayev məktəbə hücum çəkərək direktoru döymüş, özünü bu dövləti quranlardan biri adlandırmışdı.
Əməkdaşımız qarşı tərəf - Tural Mirzəliyevlə əlaqə saxlayıb. Tural müəllim bildirib ki, dəfələrlə Rza Rzayevə barışıq əli uzatdım, hər dəfə rədd etdi. Sonuncu dəfə rəhmətə gedən anamı və azyaşlı qızımı sosial şəbəkə üzərindən ağır formada təhqir etdi.
İlkin instansiya aktyora 3 il həbs verib şərtiyə çevirmişdi 70-ci maddə ilə. Amma onun çıxışları sübut kimi ortaya qoyuldu, dəfələrlə deyir ki, lazım gəlsə vətəndaşlıqdan imtina edərəm. Sağ olsun məhkəmə heyəti, nəzərə aldı.
Qeyd edək ki, Rza Rzayevin həbsi xəbərini Baş Prokurorluğun mətbuat xidmətinin rəhbəri Saleh Hacıyev də təsdiqlədi. Onun Azadmedia.az-a verdiyi məlumata görə aktyor Cinayət Məcəlləsinin 221.3-cü maddəsi ilə 2 il müddətinə azadlıqdan məhrum etmə cəzasına məhkum edilib