Möhtərəm Cənab Prezident!
Biz - Azərbaycan Dövlət Akademik Opera və Balet Teatrının sənətçiləri İncəsənət xadimləri üçün Azərbaycan Respublikası Prezidentinin mükafatlarına layiq görülməyimiz haqqında sərəncamınızı sonsuz sevinc hissi ilə qarşıladıq. Yaradıcı fəaliyyətimizə belə yüksək qiymət verdiyinizə görə Sizə dərin təşəkkürümüzü bildiririk. Xüsusən də ölkəmiz üçün mürəkkəb olan belə bir məqamda - pandemiyanın davam etdiyi, 44 günlük müharibənin başa çatdığı və Qarabağda geniş bərpa və quruculuq işlərinin başladığı bir dönəmdə mədəniyyət və incəsənət xadimlərinin sosial vəziyyəti ilə maraqlanmağınız və bizə diqqət ayırmağınız böyük önəm daşıyır.
Cənab Prezident! Uzun illər ərzində dünyanın yaxın-uzaq ölkələrində ən mötəbər səhnələrdə sənət nümayiş etdirməklə yanaşı Azərbaycanın müxtəlif bölgələrində - Gəncə, Qəbələ, İsmayıllı, Şəki, Ağcabədi və s. keçirilən müxtəlif mədəni tədbirlərdə böyük coşqu ilə iştirak edirdik. Lakin qəlbimizdə bir nisgil var idi - musiqi və mədəniyyətimizin beşiyi dilbər Qarabağda çıxış etmək imkanından məhrum idik. Məhz Sizin Ali Baş komandanlığınız altında qısa zaman kəsiyində şanlı ordumuz bizim üçün əlçatmaz olan bu arzunu gerçəkləşdirdi. Hazırda Sizin rəhbərliyinizlə Qarabağda böyük sürətlə aparılan bərpa və quruculuq işləri tezliklə başa çatacaq, biz ən yaxın zamanda repertuarımızdakı Qarabağı vəsf edən möhtəşəm tamaşa və konsertlərlə Böyük Zəfər yolundan keçərək Azərbaycanın mədəniyyət paytaxtı elan etdiyiniz Şuşada, habelə Ağdam, Fizuli, Qubadlı, Zəngilan, Kəlbəcər və işğaldan azad olunmuş digər bölgələrdə çıxış edəcək, uzun illərin həsrət və yanğısına son qoyacağıq.
Cənab Prezident! Sizə bir daha bizə göstərdiyiniz etimada - əməyimizə belə yüksək dəyər verdiyinizə görə böyük minnətdarlığımızı bildirir, Sizə və ailə üzvlərinizə cansağlığı diləyir və əmin edirik ki, bundan sonra da Azərbaycan mədəniyyətinin inkişafı və çiçəklənməsi yolunda bütün qüvvə, bacarıq və istedadımızı sərf edərək çalışacağıq.



Dərin hörmət və ehtiramla


Azərbaycan Dövlət Akademik Opera və Balet Teatrının direktoru


Akif Məlikov


Mükafata layiq görülən sənətçilər:

Abbasova-Budaqova Afaq Nurəhməd qızı
Adıgözəlov Yalçın Vasif oğlu
Babayeva İnarə Əhməd qızı
Cəfərov Samir Qədir oğlu
Əsgərov Əli Rəhim oğlu
Hacıyeva Naylor Fidan Hacıağa qızı
Hacıyeva Sevil İnşalla qızı
Həşimov Orxan İlqar oğlu
Hüseynova Kamilla Fikrət qızı
İbrahimova Nigar Rəfael qızı
Kərimova Cəmilə Rüstəm qızı
Kərimova Qərinə Rəhim qızı
Quliyev Əyyub Ramiz oğlu
Quliyev Hafiz Məhərrəm oğlu
Qurbanov Cahangir Qafar oğlu
Mikayılov Anar Şamil oğlu
Mirzəyev Gülağası Ağa Hüseynoviç
Poladov Əkrəm Nicat oğlu
Səmədov Samir Səməd oğlu
Vahabzadə Səbinə Qulam qızı
Zeynalov Azər Zeynalabdin oğlu
Zeynalov Elnur Əli oğlu