İsrail hakimiyyəti humanitar yardım daşıyan yük maşınlarının Fələstin anklavının şimalında yerləşən Qəzza zolağına daxil olmasına icazə verməyib. Bu barədə Qətərin “Əl-Cəzirə” telekanalı məlumat yayıb.
Onun sözlərinə görə, aprelin 7-də humanitar yardım daşıyan 322 yük maşını Kerem Şalom və Rəfah keçid məntəqələrindən keçərək Qəzza zolağına buraxılıb. Onlar əsasən ərzaq, su, şəkər, un və ilkin tələbat mallarını daşıyıblar. Bununla belə, telekanalın qeyd etdiyi kimi, İsrail hərbçilərinin bölgənin şimalındakı əhaliyə humanitar yüklərin daşınmasını təmin edəcəyinə dair vədinə baxmayaraq, bu maşınların heç birinin Fələstin anklavının şimal hissəsinə daxil olmasına icazə verilməyib.
Əl-Cəzirə həmçinin Qəzza zolağına gələn humanitar yüklərin ümumi həcminin qeyri-kafi olaraq qaldığını bildirir, çünki 2023-cü ilin oktyabrında hərbi əməliyyatlar başlamazdan əvvəl hər gün 400-dən 500-dək humanitar yardım maşını anklava gəlirdi.