Zəhra İmranlı türk düşmənlərinə “tarix dərsi” verdi

9 yaşlı bədii qiraətçi Zəhra İmranlı Türkiyəni qondarma “erməni soyqırımı”nda ittiham edən, heç vaxt olmayan bu “soyqırımını” qəbul etməklə Ankaraya təzyiq göstərmək istəyən qüvvələri “Soykırım yalanı” şeiri ilə ifşa edib. Müəllifi jurnalist-tarixçı Seymur Əliyev olan və Türkiyə türkcəsində səsləndirilən şeirdə “erməni soyqırımı” yalanını müdafiə edənlərə öz qanlı tarixlərini yada salmaq, Xocalı soyqırımına nəzər salmaq tövsiyə olunur.

Şeirdə ermənilərin soyqırımına məruz qalmadığı, əksinə, onların özlərinin türk xalqına qarşı soyqırım həyata keçirdiyi vurğulanır.

Ermənilərin “qurban” maskası altında gizlənən qatil olduğunu qeyd edən bədii qiraətçi xatırladır ki, qatili müdafiə etmək onun cinayətinə ortaq olmaq deməkdir.

Zəhra İmranlı tərəfindən səsləndirilən “Soykırım yalanı” şeirini oxucuların diqqətinə çatdırırıq.