Görkəmli güney Azərbaycanlı fotoqraf Haadi Musəvinin “Fotoqrafiya Sənəti” adlı təqdimatı təşkil olunub.

Azadmedia.az-a Türkiyə bürosundan verilən məlumata görə, 01.12.2021-ci il tarixində "Eskişehir Azərbaycan Dərnəyi" tərəfindən
Güney azərbaycanlı fotoqraf Haadi Musəvinin Türkiyədə “Fotoqrafiya Sənəti” adlı təqdimatı keçirilib.

Belə ki, bu il keçirilən "Eskişehir Müvəffəqiyyət Mükafatları"nda “İlin Fotoqrafı” adına layiq görülən H.Musəvi təqdimatı zamanı fotoqrafiyanın mühüm məqamlarına toxunub.

Bundan əlavə, texniki məlumatların yer aldığı çıxışında o, ixtisası olan “Mənzərə Fotoqrafiyası” ilə bağlı çəkdiyi xüsusi şəkilləri izləyicilərlə bölüşüb.

Qeyd edək ki, görkəmli Fotoqraf, Fotoqrafiya sənəti ilə məşğul olmaq istəyən gənclərin suallarını cavablandırıb.

Sonda Haadi Musəviyə Eskişehir Azərbaycanlıları Dərnəyi tərəfindən “Təşəkkürnamə” təqdim edilib.

Nurlan Rəşidov - Eskişehir Azərbaycanlılar Dərnəyi Gənclər Birliyinin sədri