Azərbaycan Tiktok şirkəti ilə əməkdaşlıq imkanlarını müzakirə edib.

Azadmedia.az xəbər verir ki, bunu iqtisadiyyat naziri Mikayıl Cabbarov X sosial şəbəkəsindəki hesabında bildirib.

Belə ki, nazir qeyd edib ki, Davos İqtisadi Forumu çərçivəsində Tiktok şirkətinin vitse-prezidenti Helena Lerş ilə görüşüb.

"Görüşdə Azərbaycanda startap ekosisteminin inkişafı istiqamətində görülən işlər, "Tiktok Startap Akademiyası"nın fəaliyyəti, sosial platformaların biznesin potensialının təqdim edilməsi üçün əhəmiyyəti və əməkdaşlıq imkanları barədə fikir mübadiləsi aparılıb", - M. Cabbarov qeyd edib.