Türkiyənin Kahramanmaraş şəhəri və Pazarcık kəndində 2023-cü ildə baş vermiş zəlzələnin səbəbləri ilə bağlı təkrar araşdırmalar aparılacaq. Tədqiqatları Azərbaycandan olan seysmoloqlar aparacaq.
AMEA Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli bildirib ki, Azərbaycan seysmoloqları 2023-cü ildə Türkiyədə zəlzələ nəticəsində ən çox ziyan dəymiş Qəhrəmanmaraş şəhəri və Pazarcık kəndinə yenidən baxış keçirirlər.

Onun sözlərinə görə, yenidən qravimetrik, maqnitometrik, mühəndis-seysmik və makroseysmik tədqiqatlar aparılacaq. Əvvəllər oxşar tədqiqatlar 2023-cü ilin aprelində aparılıb.

“Bu ərazilərdəki dərin qırılmaların strukturu öyrəniləcək və seysmiklik qiymətləndiriləcək” – Qurban Yetirmişli bildirib.