İsmayıllıda şəhidlərin xatirəsinə həsr olunmuş mini futbol üzrə rayon birinciliyinə start verilib

İsmayıllı rayon Gənclər və İdman İdarəsinin təşkilatçılığı və “Castle resort spa” nın maliyyə dəstəyi ilə İsmayıllı rayon Heydər Əliyev adına parkda mini futbol üzrə rayon birinciliyinə start verilib.

Tədbirdə RİH-nin əməkdaşı, YAP İsmayıllı Rayon Təşkilatının sədri, İsmayıllı Regional Mədəniyyət İdarəsinin rəisi, İsmayıllı Uşaq və Ailələrə Dəstək Mərkəzinin direktoru, şəhid valideynləri və həvəskar futbolçular iştirak edib.

Əvvəlcə Dövlət Himni səsləndirilib, şəhidlərin xatirəsi bir dəqiqəlik sükutla yad edilib.

Şəhidlərin əziz xatirəsinin yad edilməsi, futbol idman növünə marağın artırılması və rayonda bədən tərbiyəsi və idman kütləviliyinin yüksəldilməsi məqsədi daşıyan tədbirdə çıxış edənlər keçirilən yarışın təqdiredici olduğunu vurğulayıb, belə tədbirlərin davamlı olaraq keçirilməsini, eyni zamanda ədalətli və sağlam mübarizənin təmin edilməsi istiqamətində iştirakçılara uğurlar arzulayıblar.

Çıxışlardan sonra oyuna start verilib. Oyunun sonunda qaliblər mükafatlandırılacaq.