Polislər məktəbli turunda məktəbliləri müşayiət etməyə hazırdır. Azadmedia.az xəbər verir ki, bu məlumatı Baş Dövlət Yol Polisi İdarəsinin şöbə rəisi, polis mayoru Rövşən Tağıyev Azərbaycan Respublikası Daxili İşlər Nazirliyi, “Liatris Holding”, Azərbaycan Respublikası Baş Dövlət Yol Polisi İdarəsi , Nəqliyyatı İntellektual İdarəetmə Mərkəzi və AVTO FM Radiosunun birgə dəstəyi və təşkilatçılığı ilə 1 iyun Uşaqların Beynəlxalq Müdafiəsi Günü ilə bağlı “Uşaqlar, hüquqlar, qəzalar və çıxış yolları” adlı işgüzar konfransda deyib. O bildirib ki, Bakıdan gedən avtobuslar rayonun ucqar yollarında yola bələd olmur, qəzalar törənir. Turlardan öncə polis şöbəsinə müraciət edilsin, tam təmənnasız polislər məktəbliləri daşıyan avtobusları müşayiət edəcək. Xatırladaq ki, keçən il 2 məktəbli turu avtobuslarının qəzası ilə yadda qaldı.