247 nömrəli tam orta məktəbdə Ümummilli lider Heydər Əliyevin 100 illiyinə həsr olunmuş "Milli-mənəvi dəyərlərimiz milli kimliyimizdir" adlı ədəbi-bədii tədbir keçirildi.Tədbirdə qonaq qismində Bakı Şəhəri üzrə Təhsil İdarəsinin Təhsilin keyfiyyətinə nəzarət sektorunun müdiri Anar Mustafazadə, Nəsimi Rayon İcra Hakimiyyətinin müavini Gülarə Verdiyeva, Nəsimi Rayonu Qarabağ Əlilləri, Veteranları və Şəhid ailələri İctimai Birliyinin sədri Azər Quliyev, Azərbaycan Milli Dram Teatrının aktyorları: Füzuli Hüseynov, Vəfa Zeynalova, valideyn heyəti iştirak etdilər. Tədbirin birinci hissəsində milli-mənəvi dəyərlərimizi əhatə edən sərgiyə baxış oldu. Bölgələrimizin: Qarabağ-Zəngəzur, Bakı-Şirvan, Qazax-Borçalı, Naxçıvan-İrəvan, Qarabağın oymalı arxalığı, çəpkənli qadın milli geyimləri şagirdlərin təqdimatında nümayiş olundu. Müvafiq milli geyimlərin bölgələrinə uyğun Azərbaycan milli xalçaları sərgiləndi və bu xalçaları tarixi haqqında məlumat verildi. Azərbaycanın qədim dövr peşələrinin təqdimatı oldu. Milli abidələrimizi, milli-mənəvi dəyərlərimizi ehtiva edən şagirdlərin əl işləri, STEAM layihəsinin yaradıcılıq işləri sərgiləndi.
Bədii hissədə mənəvi dəyərlərimizin əks olunduğu bədii nümunələr: "Dədə Qorqud" , "Tütək səsi", "Nəsimi" , " Babək" filmləri əsasında tamaşa göstərildi.
Məqsəd şagirdlərin milli ruhda tərbiyə olunması oldu.