Ukraynanın Azərbaycandakı Fəxri Konsulluğu Müqəddəs Qurban bayramı ilə əlaqədar, Vətən müharibəsi zamanı şəhid olan qəhrəmanların ailələri, Birinci Qarabağ müharibəsi və 44 günlük Vətən müharibəsi zamanı qazi olan həmvətənlərimizə Qurban payı və konsulun xüsusi yardımını təqdim edib.
Ukraynanın Azərbaycandakı Fəxri Konsulluğunun Beynəlxalq əməkdaşlıq üzrə müşaviri Rüstəm İsgəndərli və konsulluğun nümayəndələri bayram sovqatını hər bir qazi və şəhid ailələrinin evlərinə çatdırıb.
Azərbaycanın ərazi bütövlüyü uğrunda öz canından keçmiş şəhidlərin ailələrinə, həmçinin müharibə əlillərinə dövlət tərəfindən hər zaman böyük diqqət və qayğı olduğunu vurğulayan müşavir, bu müqəddəs missiyanı davam etməyə hər bir vətəndaşın borclu olduğunu dilə gətirib.
Qeyd edək ki, hər il olduğu kimi, bu il də təşkil olunan xeyriyyə məqsədli tədbirdə 100-ə yaxın ailəyə bayram sovqatı çatdırılıb.
Allah kəsilən qurbanları qəbul, xeyirxah müsəlmanları ehtiyac sahiblərinin sevincinə səbəb etsin.