Xəbər vermişdik ki, "Azərbaycan Vətənpərvərlər” İctimai Birliyinin sədri Elvin Mahmudzadə saxlanılıb.
Birlik sədri bir neçə Vətən müharibəsi iştirakçısının şikayəti əsasında istintaqa cəlb edilib. O, qazilər üçün ayrılmış külli miqdarda pul vəsaitini dələduzluq yolu ilə ələ keçirməkdə təqsirləndirilir.
E.Mahmudzadəyə qarşı Cinayət Məcəlləsinin 178.2.3-cü (qulluq mövqeyindən istifadə etməklə təkrar dələduzluq) maddəsi ilə ittiham irəli sürülüb.
Azadmedia.az Vətən adı altında dələduzluq edən saxta vətənsevərin 4 aylıq həbs qərarını təqdim edir. Qərarın surətini vəkil Aqil Layıc şəxsi facebook səhifəsində paylaşıb.