Azadmedia.az-ın elektron poçtuna Sumqayıtda yaşayan bir qrup sakin tərəfindən şikayət daxil olub. Sakinlər evlərinin başına uçmasından narahatdır. Azadmedia.az sözü gedən məktubu təqdim edir:



Azərbaycan Respublikasının Prezidenti
Möhtərəm Cənab İlham Əliyevə
surəti: Azərbaycan Respublikasının
Birinci Vitse-Prezidenti
Hörmətli Mehriban Xanım Əliyevaya
surəti: Azərbaycan Respublikasının
Baş Naziri cənab Əli Əsədova
surəti: Azərbaycan Respublikasının
Fövqəladə Hallar Naziri
Cənab Kəmaləddin Heydərova
surəti: Azərbaycan Respublikasının
Milli Məclisinin sədri Sahibə Qafarovaya
surəti: Azərbaycan Respublikasının KİV və sayt rəhbərlərinə
Sumqayıt şəhəri, 30-cu məhəllə, 2A/15 saylı yaşayış binasının sakinləri tərəfindən


ŞİKAYƏT ƏRİZƏSİ


İrandakı 4.5 bal gücündəki zəlzələdən sonra qardaş Türkiyə, Suriyada bir-birinin ardınca zəlzələlər baş verdikdən sonra Paytaxtımız Bakıda və Sumqayıtda köhnə binaların taleyi də gündəmə gəlib. Təməli möhkəm qoyulmayan, zəlzələ dayanıqlığı nəzərə alınmayan binalar yerlə-yeksan olur. Bu baxımdan sovetdən qalma binalar daha risklidir, onların dözümlülüyünə zəmanət yoxdur. Sovet dövründə inşa edilən 3-4 mərtəbəli binaların çoxunun istismar müddəti başa çatıb. Sovetdən qalma digər binaların təbii fəlakətə davamlılığına zəmanət yoxdur. Binalar möhkəm tikilsə belə sonradan edilən artırmalar binaları çox yükləyib. Bu artırmalar binanın təməlini zədələyir, binaya ağırlıq salır. Onsuz da istismar müddəti bitmiş binalar, bu artırmalara uyğun olaraq əyilir. Yəni təbii fəlakətlər zamanı da risk qrupuna aid olur.
Sumqayıt şəhəri 30-cu məhəllə ərazisində yerləşən 2A/15 saylı yaşayış binası da risk qrupuna aid olan binalardandır. 32 mənzildən ibarət 4 bloklu 4 mərtəbəli yaşayış binası sonradan 4 tərəfdən artırılıb. Binanın bəzi sakinlərin vaxtilə müvafiq qurumların “vasitəçiliyi ilə” sonradan etdiyi artırmalar nəticəsində bina çox yüklənərək çökmək, əyilmək üzrədir. Sonradan edilən qeyri-simmetrik artırmalarda dar sütunlardan, borulardan istifadə edilib. Konstriktiv möhkəmlikləri çox zəifdir. Təhlükə anında bu bina texnoloji baxımdan standartlara cavab vermir. Heç bir ölkə təbii fəlakətdən sığortalanmayıb. Dünya xəritəsində Azərbaycan da seysmik zona hesab olunur. Bəzi sakinlərin tamahı güc gəlir, artıq yer qazanmaq üçün başqalarının həyatlarını riskə atırlar. Yerli qurumlar da bu cür artırmaların qarşısını almalıdır. Binan 2-ci mənzilində yaşayan özünü Fövqəladə Hallar Nazirliyinin məmuru kimi təqdim edən şəxs ilin günün bu vaxtında öz evinə eyvan artırır. Deyir, burda mənəm, Bağdadda kor Xəlifə. Pulumu vermişəm, işimi gördürürüəm, bacarırsınız Siz də edin !
Sizdən xahiş edirik Sumqayıt şəhəri 30-cu məhəllə ərazisində yerləşən 2A/15 saylı yaşayış binasının 2-cio mənzilində yaşayan məmurun eyvan artırmasının qarşısının alınması üçün bizdən öz köməyinizi əsirgəməyəsiniz.
Öncədən Sizə minnətdarıq.


Sumqayıt şəhəri, 30-cu məhəllə, 2A/15 saylı
yaşayış binasının sakinləri adından Quliyeva Telli
tel. 325-14-59