Ermənistanın xarici işlər nazirliyinin mətbuat katibi Anna Naqldalyan mətbuat konfransı keçirib.
Erməni Naqldalyan bildirib ki, əgər Azərbaycan Kollektiv Təhlükəsizlik Müqaviləsi Təşkilatına üzv olmaq istəyini bəyan etsə, Ermənistan veto hüququndan istifadə edəcək.

Erməni diplomat qeyd edib ki, KTMT-də qərarlar iştirakçı ölkələrlə müzakirələrdən sonra qəbul edilir.

“Erməni tərəfi mövqeyini bildirib. Düşünmürəm ki, bu, müzakirələrə əsas versin”, -deyə Naqldalyan bildirib.
Eyni zamanda Anna əlavə edib ki, Azərbaycanın quruma üzvlük imkanı analitik dairələrdə müzakirə edilir:

“Əgər belə bir məsələ gündəliyə salınsa, Ermənistan veto hüququndan istifadə edəcək”.