Çexiya millisi futbol üzrə Avropa çempionatının 1/4 final matçı üçün Bakıya yola düşüb.

Bu barədə Çexiya Futbol Federasiyasının sosial şəbəkə hesabında paylaşım edilib.

Milli komanda bu gün Bakı səfəri öncəsi son məşqinə çıxıb. Bir qədər əvvəl isə artıq hava limanına gələn yığma komanda Bakıya yola düşüb.

Qeyd edək ki, iyulun 3-ü Avropa çempionatının 1/4 final mərhələsi çərçivəsində Çexiya-Danimarka milliləri Bakı Olimpiya stadionunda qarşılaşacaq.