NATO-nun baş katibi Yens Stoltenberq bildirib ki, İsveç və Finlandiyanın bloka qəbulu prosesi sürətləndiriləcək, lakin hələ də bir qədər vaxt aparacaq.

Azadmedia.az RİA Novostiyə istinadən xəbər verir ki, bu müddət ərzində alyans hər iki ölkənin təhlükəsizliyinin təmin edilməsi yollarını nəzərdən keçirəcək. Rusiya Xarici İşlər Nazirliyi İsveç və Finlandiyanın NATO-ya üzv olmaq qərarını “uzaqdan nəticələnən ciddi səhv” kimi qiymətləndirib. Nazirlik bəyan edib ki, Rusiya iki ölkənin alyansa qoşulmasının praktiki nəticələrinə əsasən öz təhlükəsizliyini necə təmin edəcəyinə qərar verəcək.

Eyni zamanda, Rusiyanın BMT-dəki daimi nümayəndəsinin müavini Dmitri Polyanski mayın 12-də verdiyi açıqlamada bildirib ki, NATO-ya üzv olmaq istəyən İsveç və Finlandiya bu ölkələrin ərazisində alyans qoşunlarının peyda olacağı təqdirdə Rusiyanın hədəfi ola bilər. NATO-nu “dost olmayan blok” və “düşmən” kimi xarakterizə edən Polyanski həmçinin, “Onlar NATO-ya daxil olanda bilirlər ki, bunun üçün Rusiya tərəfində bəzi güzgü addımları tələb olunacaq” deyib.