Bitki mühafizə və Texniki bitkilər Elmi-Tədqiqat İnstitutunun rəhbəri, Prof. İbrahim Cəfərov Azadmedia.az-da Müqəddəs Qurban bayramı münasibətilə xalqımızı və bütün müsəlmanları təbrik edib, əmin-amanlıq arzu edib.

Prof. İbrahim Cəfərov, “Təbii ki, bayramlar milli və dini duyğuların, inancların, adət-ənənələrin sərgiləndiyi, millət olmaq şüurunun şəkilləndiyi, gücləndiyi günlərdir. Belə bayramlardan ən başlıcası da, Rəbbin rəhməti və bərəkəti ilə gələn Qurban bayramıdır, hansı ki, bütün müsəlman aləminin ən əziz bayramıdır. Bu bayram İslam aləminin ən dəyərli və müqəddəs günləri sırasındadır. Əlbətdə ki, bu ilki Qurban bayramı da xalqımızın ən möhtəşəm bayram sevinci – Vətən müharibəsindəki Qələbənin qüruru ilə davam edir. Rəşadətli Azərbaycan Ordusunun işğaldan azad olmuş ərazilərdə dövlətimizin üçrəngli bayrağını ucaltması, Şuşa və Ağdam məscidlərinin minarələrindən azanların səslənməsi heç şübhəsiz, İlahi ədalətin bərpası deməkdir. “Dəmir Yumruq”la qazandığımız bu Zəfərin müəllifi, Azərbaycan xalqının böyük oğlu, Ali Baş komandan Prezident İlham Əliyevdir. Həmçinin 100 illik yubileyini qeyd etdiyimiz Ümummilli lider Heydər Əliyevin siyasi məktəbinin davamçısı Prezident İlham Əliyevin misilsiz uğurlarına görə biz Azərbaycan dövlətinin gələcəyinə böyük inam və ümidlə baxırıq. Başda cənab prezidentimiz və ailəsi olmaqla, xalqımızın, bütün Müsəlman aləminin Müqəddəs Qurban bayramı mübarək olsun!” - deyə qeyd edib.