Transxəzər Beynəlxalq Nəqliyyat Marşrutunun (Orta Dəhliz) imkanlarının genişləndirilməsi BMT standartları əsasında təmin edilməlidir. Azadmedia.az xəbər verir ki, bunu Özbəkistanın investisiya, sənaye və ticarət nazirinin müavini Badriddin Abidov Bakıda “SPECA regionunun qlobal kommunikasiya mərkəzinə çevrilməsi” mövzusunda keçirilən SPECA 2023 iqtisadi forumunda deyib.

“Biz Şərq-Qərb, Şimal-Cənub marşrutları üzrə strateji layihələr həyata keçirərək regionun nəqliyyat imkanlarını genişləndirmək üçün fəal işləyirik. Bu çərçivədə Çin-Qırğızıstan-Özbəkistan, Özbəkistan-Əfqanıstan-Pakistan dəmir yolu xətlərinin tikintisi nəzərdə tutulur ki, bu da yüklərin tranzit həcminin artırılmasına kömək edəcək. Biz həmçinin Orta Dəhlizin imkanlarının genişləndirilməsinin tərəfdarıyıq”.

Abidov vurğulayıb ki, son 25 ildə SPECA-nın iştirakçısı olan ölkələrin ÜDM-i 10 dəfə, qarşılıqlı ticarət dövriyyəsi isə 50% artıb: “Ötən il Özbəkistanın SPECA ölkələri ilə ticarət dövriyyəsi 8 milyard ABŞ dollarına çatıb. daha yüksək göstəricilərə nail olun, çünki ölkələrimiz böyük potensiala malikdir”.