Hizbullah Livanın cənubundakı sərhəd bölgəsində yerləşən İsrailə məxsus hərbi məntəqəyə hücum edib.
Azadmedia.az xəbər verir ki, Hizbullah İsrail-Livan sərhədində baş verən qarşıdurmalarla bağlı yazılı açıqlama yayıb.
Belə ki, yayılan açıqlamada İsrailin “Merc” hərbi məntəqəsinə müvafiq silahlarla hücum edildiyi və hədəflərin dəqiqliklə vurulduğu bildirilib.
Həmçinin Livanın rəsmi NNA xəbər agentliyinin yaydığı məlumatda İsrail qüvvələrinin Livanın sərhəd bölgəsindəki Ayta əl-Şaab və Odeysa qəsəbələrinin ətrafını artilleriya atəşi ilə vurduğu qeyd edilib.