Milli Məclisin İnsan hüquqları komitəsinin sabah keçiriləcək iclasında yeni Ombudsmanın seçilməsi məsələsi müzakirəyə çıxarılacaq.

Bu barədə məsələ komitənin iclasının gündəliyinə daxil edilib.

Belə ki, deputatlar “Azərbaycan Respublikası İnsan hüquqları üzrə müvəkkilinin (Ombudsmanın) seçilməsi haqqında” məsələyə baxacaqlar.

Qeyd edək ki, Ombudsman 7 il müddətinə seçilir. Eyni şəxs bu vəzifəyə iki dəfədən artıq seçilə bilməz.

Xatırladaq ki, Səbinə Əliyeva 29 noyabr 2019-cu ildə Prezident tərəfindən irəli sürülmüş üç namizəd arasından Milli Məclis tərəfindən Ombudsman seçilib.