Hazırda ölkəmizin gəmiqayırma sənayesi hər növ gəmi tikintisini həyata keçirmək üçün lazımi maddi-texniki təchizatla yanaşı, güclü kadr potensialına malikdir. Mövcud imkanları qoruyub saxlamaqla bərabər, onu yeni təcrübə ilə zənginləşdirmək də əsas məsələlərdəndir. Məhz, gəmi-modelçiliyi müsabiqəsinin əsas məqsədi bu sahəyə maraq göstərənlərin yaradıcılıq stimulunu artırmaq, onlar arasında təcrübə mübadiləsi üçün səmərəli mühit yaratmaqdan ibarətdir.

Odur ki, bütün gəmi modelçilərini müsabiqəyə qoşulmağa dəvət edirik.

Müsabiqənin şərtləri:

Müsabiqə aşağıdakı nominasiyalar üzrə keçiriləcək:

1. Kreativ

2. Realistik

Müsabiqəyə hər iki nominasiya üzrə qatılmaq mümkündür. Bu halda hər nominasiya üzrə yalnız bir gəmi modeli təqdim oluna bilər.

Müsabiqə iki yaş kateqoriyası üzrə təşkil olunur:

10-17 yaş

18 yaşdan yuxarı

Təqdim olunan realistik gəmi modeli üçün minumum miqyas tələbləri:

10-17 yaş - 1:250, 1:300 miqyaslarında

18 yaşdan yuxarı - 1:100, 1:150 miqyaslarında

QEYD: Kreativ kateqoriya üzrə miqyas tələbi yoxdur.

Qaliblərin müəyyənləşdirilməsi:

Qaliblər peşəkar gəmi modelçiləri və gəmiqayırma mütəxəssislərindən ibarət 3 nəfərlik münsif heyəti tərəfindən nominasiyalar və yaş kateqoriyaları üzrə müəyyənləşəcək.

Qaliblərin mükafatlandırılması:

10-17 yaş kateqoriyası üzrə

I yer: 600 manat

II yer: 400 manat

III yer: 200 manat

18 yaşdan yuxarı kateqoriya üzrə

I yer: 1000 manat

II yer: 800 manat

III yer: 500 manat

Müsabiqə iştirakçıları soyadı, adı, təvəllüdü, əlaqə nömrəsi, təqdim etdiyi gəmi modelinin adı ilə birlikdə işlərini 15 avqust 2023-cü il tarixinədək təqdim edə bilərlər.

Ünvan: Bakı şəhəri, Mikayıl Useynov küçəsi, 2

Əlaqə/Whatsapp

+994 55 280 99 96

012 404 39 00 (daxili:1244, 1129)