Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyi Böhran Vəziyyətlərində İdarəetmə Mərkəzinə daxil olan məlumata əsasən, 04.07.2023-cü il tarixində saat 00:01-də Xaçmaz rayonundan 80 kilometr şimal-şərqdə, 20 kilometr dərinlikdə 5.7 maqnituda zəlzələ qeydə alınıb. Zəlzələ respublikanın bir sıra şəhər və rayonlarında hiss olunub.
Hazırda Fövqəladə Hallar Nazirliyinə zəlzələ nəticəsində hər hansı dağıntı və ya tələfat barədə məlumat daxil olmayıb.