“Turan Türk Xalqlarının Mədəniyyətinin İnkişafına Dəstək” İctimai Birliyi iyul ayının 1-dən avqust ayının 31-dək "Vətən qürbətə qalmaz” adlı layihə həyata keçirəcək.

İctimai Birlikdən verilən məlumata görə, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə təşkil olunur.

Layihə Qərbi Azərbaycan - indiki Ermənistan ərazisində azərbaycanlılara məxsus tarixi – mədəni irsimizə aid memarlıq abidələrinin tanıdılması və təbliğinə həsr olunub. Bu məqsədlə arxiv sənədləri, video materillar, əslən Qərbi Azərbaycandan olan ziyalıların xatirələri əsasında mədəni irsimiz, tarixi abidələrimizlə bağlı “Vətən qürbətə qalmaz” adlı sənədli filmin hazırlanması və təqdimatı nəzərdə tutulub.

Qeyd edək ki, bu “Qərbi Azərbaycana Qayıdış Konsepsiyası”na əhəmiyyətli xidmət göstərəcək.