Fransanın "L'Equipe" qəzetinin yazdığına görə, argentinalı hücumçu Lionel Messi maaşının əhəmiyyətli dərəcədə azaldılması səbəbindən Paris Saint-Germain-dən ayrılmaq qərarına gəlib.

Dünya çempionu PSJ-nin yeni müqavilə imzalayarkən maaşını 75% azaltmaq niyyəti ilə qətiyyən razılaşmır. Böyük ehtimalla o, karyerasını Fransa klubuna keçməmişdən əvvəl oynadığı “Barselona”da davam etdirəcək.

Azadmedia.az nəşrə istinadla xatırladır ki, Messi 2021-ci ilin avqustunda PSJ-yə keçib.

Ümumilikdə bu mövsüm Messi Fransa çempionatında 23 matçda 13 qol vurub və 13 məhsuldar ötürmə edib. Onun altı Çempionlar Liqası matçında daha dörd qol və dörd məhsuldar ötürmə var.