Metaratings.ru xəbər verir ki, Rusiya millisinin sabiq futbolçusu Aleksandr Mostovoy Sankt-Peterburqun “Zenit” klubunun sabiq futbolçusu Vladimir Bıstrovun Joze Mourinyonu Moskva “Spartak”ının baş məşqçisi vəzifəsinə təyin etmək təklifinə cavab verib.

“Spartak”a Mourinyo niyə lazımdır? Son vaxtlar o, aşağı enir, bütün komandalar onu qovur. Üstəlik, komandalarımız Avropada oynamır, bu, ümumiyyətlə, cəfəngiyyatdır”, - Mostovoy bildirib.

Yanvarın 16-da İtaliyanın “Roma” klubu Mourinyonun qovulduğunu açıqlamışdı. Portuqaliyalı 2021-ci ilin may ayından Roma klubunda çalışır. O, 2021/22 mövsümündə komandanı Konfrans Liqasında qələbəyə aparıb. Ötən mövsüm Roma komandası Avropa Liqasının finalçısı olub.

İtaliya çempionatının 20 turundan sonra 29 xalla "Roma" turnir cədvəlinin 9-cu pilləsində qərarlaşıb. Milan “İnter”i liderdir (51 xal).

İspaniyalı mütəxəssis Gilyermo Abaskalın rəhbərliyi altında "Spartak" Rusiya Premyer Liqasının (RPL) mövsümünün ilk hissəsini 30 xal toplayaraq turnir cədvəlinin 5-ci pilləsində başa vurub. “Qırmızı-ağlar” ölkə çempionatının 19-cu turunda “Zenit”lə qarşılaşacaq.