Nazirlər Kabinetinin qərarları əsasdır. Sabunçu Rayon İcra Hakimiyyəti tərəfindən mağazanın tekstil şöbəsinin bağlanması tələbini irəli sürməsi qeyri-qanunidir”.

Bunu Oxu.Az-a açıqlamasında 26 saylı Sabunçu Birinci Seçki Dairəsindən Milli Məclisə deputat seçilən Fazil Mustafa deyib.

O, Sabunçu Rayon İcra Hakimiyyətinin “Megastore” supermarketində keçirdiyi reyd zamanı mağaza rəhbərliyi qarşısında tekstil və oyuncaqların satılmaması tələbini qoymasının hüquqi cəhətdən düzgün olmadığını bildirib.

Mlllət vəkili qeyd ki, Nazirlər Kabinetinin qərarlarında nə nəzərdə tutulubsa, sahibkarlar da, yerli icra orqanları da ona əməl etməlidirlər.

“Yerli icra hakimiyyəti orqanlarının Nazirlər Kabinetinin qərarını dəyişməyə ixtiyarı və səlahiyyəti yoxdur”, - deyə F.Mustafa əlavə edib.

Xatırladaq ki, Sabunçuda Sakit Qocayev 27C ünvanında yerləşən “Megastore”da icra başçısı Adil Vəliyevin iştirakı ilə keçirilən reyddə mağaza rəhbərliyinə xəbərdarlıq edilib.

Xəbərdarlığa əsasən, xüsusi karantin rejimi dövründə mağaza daxilində tekstil, xırda məişət avadanlıqlarının və uşaq oyuncaqlarının satışı həyata keçirilə bilməz.

Əks təqdirdə mağaza rəhbərliyinin cərimələnəcəyini bildiriblər.

Nazirlər Kabinetinin qərarında isə sərtləşdirilmiş xüsusi karantin rejimi zamanı mağazaların fəaliyyətinə, xırda məişət avadanlıqlarının satışına icazə verilib.