Rusiya NATO-nun sabitliyini pozmaq və zəiflətmək məqsədini güdür, Çin isə beynəlxalq qaydaları öz maraqlarına uyğun formalaşdırmağa çalışır.

Azadmedia.az xəbər verir ki, bu barədə alman mediası Almaniya Müdafiə Nazirliyindən əldə etdiyi sənədə istinadla məlumat yayıb.

Bildirilib ki, nazirlik Çin və Rusiyanın hakimiyyət iddiaları və yeni hərbi imkanları səbəbindən artan təhlükə barədə hökumətə xəbərdarlıq edib.

Qeyd edək ki, sənəddə Müdafiə Nazirliyinin Rusiyanın yüksək dəqiqlikli, vurulması çətin, səsdən sürətli uzaq mənzilli raketlərə böyük investisiyalar yatırmasından xüsusilə narahat olduğu bildirilib.