Türkiyə Prezidenti Rəcəb Tayyib Ərdoğan və Britaniyanın baş naziri Boris Conson arasında telefon danışığı olub.
Britaniyanın hökumət başçısı Türkiyə lideri ilə Əfqanıstanda yaranmış vəziyyəti müzakirə edib.

Söhbət əsnasında Rəcəb Tayyib Ərdoğan uyğun şərait yaradılacağı təqdirdə Türkiyənin Kabul hava limanının təhlükəsizliyinin təmin edilməsindən məsul olmağa davam edə biləcəyini qeyd edib.

Türkiyə lideri vurğulayıb ki, hazırda Əfqanıstanda Türkiyənin prioriteti vətəndaşlarının bu ölkədən təxliyə edilməsidir.