İsveçdəki Azərbaycanlı Yazıçı Eluca Atalının “Ənqə quşu” kitabının təqdimatı keçiriləcək.

Azadmedia.az xəbər verir ki, 5 fevral, 2022-ci il tarixdə keçiriləcək olan kitabın təqdimatı Avropa vaxtı ilə 17:00, Bakı vaxtı ilə 20:00-da Zoom proqramı üzərindən gerçəkləşdiriləcək.

Qeyd edək ki, Eluca Atalının "Ənqə quşu" kitabı uşaq romanıdır. Müəllif cəmiyyətdə baş verən bütün hadisələri təbiətə daşımış, yerdəki hadisələri göylərə qaldırmışdır. Əsərin qəhrəmanı iki qramlıq kolibridir. Qəhrəman Günəşə aşiq olur, ancaq anası ona deyir ki, Günəşə çatmaq üçün bir quş ömrü kifayət deyil. Sonra balaca quş axtarıb əbədiyyətə çatmağın yolunu tapır. Əsər çoxsaylı quş təsvirlərini, morfologiyalarını və həyat tərzlərini, eləcə də kolibriləri əks etdirir. Kitab səkkiz yaşdan yuxarı hər növ oxucunun oxuya biləcəyi və təbiəti bədii vasitələrlə öyrənə biləcəyi kitabdır.

Azadmedia.az kollektivi adına Eluca xanım Atalını təbrik edir, fəaliyyətində uğurlar arzu edirik!