Bakı, 14 iyun, Azadmedia.az

İyunun 14-də bütün Azərbaycan məktəblərində “Son zəng” tədbirləri təntənəli qeyd olunub.

Azadmedia.az-a Elm və Təhsil Nazirliyindən
bildirilib ki, 2022/2023-cü tədris ilində 98 min 647 şagird XI (XII) siniflərdən məzun olur. Onlardan 89 min 112 nəfəri Azərbaycan bölməsində, 8 min 824 nəfər isə rus bölməsində təhsil alır. Zəngilan rayonu Ağalı kənd tam orta məktəbinin XI sinfindən isə 4 nəfər məzun olacaq.

Azadmedia.az-ın əməkdaşlarının da iştirak etdiyi Etibar Şirəliyev adına 274 saylı tam orta məktəbdə də təntənəli şəkildə
“Son Zəng” çalınıb.

“Son zəng” tədbirində, direktor Nəriman Mürsəliyev və pedaqoji kollektivi, rayon icra hakimiyyətinin məsul işçiləri, şəhid məzunların valideynləri, rayon ictimaiyyətinin nümayəndələri, media nümayəndələri, məktəb kollektivi və valideynlər iştirak ediblər.

Belə ki, “Son zəng" tədbirində məktəb məzunlarının iştirakı ilə mahnı və rəqslərdən ibarət kompozisiyalar və olduqca maraqlı proqram nümayiş olunub.

Qeyd edək ki, 274 saylı orta məktəb direktor Nəriman Mürsəliyevin rəhbərliyi altında ölkəmizdə təhsilin inkışafında xüsusi xidmətləri olan, eyni zamanda, yüksək nüfuz sahibi olan məktəblərimizdəndir.

Məktəbin direktoru Nəriman Mürsəliyev və məktəb kollektivini, builki məzunlarını Azadmedia.az xəbər agentliyi, rəhbəri Xəlil Xəlilov və kollektivi adına təbrik edir, pedaqoji fəaliyyətlərində uğurlar diləyirik!