Göyçay Rayon Polis Şöbəsinin əməkdaşları tərəfindən həyata keçirilən əməliyyat tədbirləri nəticəsində rayon ərazisində narkotik vasitələrin qanunsuz dövriyyəsi və kultivasiyası ilə məşğul olan şəxs saxlanılıb.
DİN-in Mətbuat Xidmətinin Şəki regional qrupundan Azadmedia.az-a verilən məlumata görə, şöbə əməkdaşlarının keçirdikləri əməliyyat zamanı rayonun Qaraxıdır kənd sakini Cavad Nəsirov saxlanılıb.
Onun yaşadığı evə və həyətyanı sahədə yerləşən yardımçı tikiliyə keçirilən baxış zamanı təmiz çəkisi 3 kiloqram 260 qram olan marixuana, eləcə də iki ədəd qurudulmuş vəziyyətdə çətənə bitkisi aşkar edilərək götürülüb.
Faktla bağlı Göyçay Rayon Polis Şöbəsində araşdırma aparılır.